Gudida doorashooyinka Somaliland ayaa maanta shaaca ka qaaday inay soo dhameeyeen howlihii ay dhawaan ugu kalabaxeen gobalada dalka,waxaakael oo ay sheegeen inay dhawaanbilaabayaan howsha daabacaadda kaadhadhka cusub ee lagu badalidoono kuwii hore ee buqa badan dhaliyey.

 Gudida doorashooyinku sidaa waxay ku sheegeen shiraa’id oo uu maanta qabtay afhayeenka gudidaasi Maxamed Axmed XirsiGeelle “waxaa iskugu keendambaysay bishii horaanu malaynayaa waxaana noo caada ah markaanu in muddo ah joognaba dadweynaha uga warano halkay wax noo marayaan” ayuu yidhi Geelle.

 afhayeenka gudidaasi Md Geelle waxa uu sheegay inaanay ajadnaha maanta ugujirininay ka jawaabaan su’aasha intabadan ay dadku goconayaan oo ah goorta ay ka sugayaan gudida doorashooyinku inay ku dhawaaqaan xiliga kama dambeysta ah ee ay qabanayaan doorashada aadka loogu hanqal taagayo.

 “waxaan u malaynayaa maanta inaanaan halkan [shirka jaraa’id] idiinku yeedhin inanay ka hadalo arrimaha intabadan ay dadku is waydiinayaan oo ah goormaa la qabanayaa doorashada balse su’aasha aan maanta ka jawaabayaa waxa weeye halkeebay wax inoomarayaan” ayuu yidhi Md Geelle.

 afhayeenka gudida doorashooyinka qaranka Somaliland Md Geelle waxa uu sheegay inay usoo dhamaadeen howlihii ay dhawaanugu  kalabaxeen gobalada dalka ee la xidhiidhay dhismah wakiilada ay ku yeelanayaan gobalada iyo degmooyinka “dee horta waanu soo dhamaynay howlihii aanu dhawaan ugu kalabaxnay gobalada ee aanu kusoo dhisaynay gudiyadii gobalada iyo degmooyinka” ayuu intaa sii raaciyey.

 afhayeenka gudidaasi Maxamed Axmed Geelle waxa uu sheegay inay howshaasi si fiican ugu soo dhamaatay isla markaana ay iyaga iyo xisbiyaduba isku waafaqeen sidii ay wax usoo nidaamiyeen “sifiican bay noogu soo dhamaatay howshaasi oo aany isku waafaqsanahay inaga iyo xisbiyaduba” ayuu yidhi.

 “cabashooyin way iska soo baxayaan oo dee markii howllagalo qaladaad way dhacayaan laakiin waxay u muuqataa inuu dhacay khalad khafiifa oo laliqikaro oo aanu anaga iyo xisbiyaduba isku rtaacsanahay oo aanay 4 taa bilood jirin wax khilaafa oo kasoo dhexbaxay” ayuu intaa sii raaciyey.

 Afhayeenku waxa uu sheegay inay dhabtahay dhawaan hadalada soo baxayey ee sheegayey inay gudida doorashooyinku markale dib usoo daabacayaan kaadhadhkii diiwaangelinta ee ay dadku kalhore farahagaliyeen. Isaga ooarimahaa ka waramayanaya waxa uu yidhi “howsha ugu muhiimsan ee aan maanta isugu kiinyeedhnay waxaad maqasheen in waaydamba dadku hadal hayeen kaadhadh cusubaa lasamaynayaa waa dhab arintaasi waanay jirtaa”

 afhayeenku waxa uu sheegay inaanay arintaa horey uga hadal ka komishan ahaan balse ay hadda go’aansadeen inay ku dhawaaqaan badalaadiisa maadaama uu xeerku siinayo cidda badalaysa kaadhadhka codayntu inay iyagatahay iyaga oo kala tashanaya wasaaradda arimaga gudaha iyo xisbiyada qaranka Somaliland.waxa uu intaa kudaray inay sugayeen kharashaadkii lagusoo daabacayey kaadhadhkaasi balse ay heleen dhaqaalihii lagu maamulilahaa arimahaasi.

 Dhanka kala waxa uu sheegay inay shaandhayn ku shamayn doonaan dadkii qaatay kaadhadhka khal-khalku kujiro isla markaana ay aakhirka soosaari doonaan  inta nadiifta ah ee aan iyagy ku cel-celin kaadhadhkaasi lana siin doono kaadhadh cusub oo ka madax banaan wixii hore ee lagu cel-celiyey.

 hadabawaxaa is waydiin leh hadii uu qofku iska waayo kaadhakaasi cusub ee ay dhawaan soodaabici doonaan sidee loo maaraynayaa arinkaasi maxaase la gudboon muwaadinkaasi inuu ku dhaqaaqo “qofkii iska waayaa kaadhadh kaasi cusub iyo waxa lagayeelaba waxaanu qaadidoonaa dhawaan ol-ole balaadhan oo lagu wacyi-gelindoono ddku inay arimahaa lasocdaan” ayuu yidhi Geelle.

 Waxa uu afhayeenka gudida doorashooyinku Saxaaafadda usoo bandhigay sawirada dakii kucel-celiyey diiwaan-gelintii dhawaan sanadkii hore dalka laga qabtay taasoo muujinaysay wajiyada dadka lagu qabtay arimahaasi oo qaarkood ay daddooda ku sheegeen ilaa 7 biil iyo laba sano iyo wax lamida.

Gaba-gabadii shirkaasi jaraa’id waxay saxaafaddu waydiiyeen su;aalo kaladuwan oo kuwajahnaa barnaamijkaasi uu afhayeenku ka waramay.waxaana kamid ahaa inuu sheego xiliga ay qaqanayaan doorashada,waxaanu sheegay inaany hadda cadayn karayn xiliga ugu haboon ee ay ku dhawaaqi karayaan.